Жарыстар «ТАЛАПКЕР» бокс клубының ұйымдастыруымен 12 мамыр мен 15 мамыр аралығында өтті. Спорттық шараға Қарағанды қаласы мен Қарағанды облысы, Павлодар қаласы мен Павлодар облысы, Ақмола облысы, Киевка ауданы, Өскемен қаласы, Қосшы кенті және Нұр-Сұлтан қаласынан 380-нен астам жас боксшылар қатысты. «ҚазТБУ» АҚ колледжінің оқытушысы Абдилов Сағидолла Советұлы спортшылармен кәсіптік бағдар беру жұмыстарын жүргізіп, колледжде оқытылатын 12 мамандыққа түсу мүмкіндіктеріне тоқталды. Қызығушылық танытқан мектеп оқушылары танысу үшін колледжге және университетке баруға ниет білдірді.