2023 жылдың 24 қазан күні Университет қабырғасында Оқу-әдістемелік ісі жөніндегі проректор Д.Жаманғарин кітапхана қызметкерлерін кәсіби мерекелерімен құттықтап, университет Президент-ректорының атынан алғыс хат пен гүл шоқтарын табыстады.

Құрметті әріптестер! Сіздерді кәсіби мерекелеріңізбен құттықтаймыз!

Бүгінгі дамыған замандағы жастар мен кітапты байланыстыратын алтын көпір – кітапхана. Көне жазбалар мен сирек кітаптар секілді кітапхананың да тарихы өте ескі дәуірлерден бастау алады. Кітапхана – мәртебесі биік киелі шаңырақ. Кітапхана – оқырманның рухани талап-тілегін қанағаттандырумен қатар, әлемдік, ұлттық, әмбебап ақпарат көздерін толық жинақтап, оқырманға жеткізуші болып табылады. Қызығы мен қиыншылығы қатар жүретін кітапханашы мамандығы туралы бір ауыз сөзбен жеткізу мүмкін емес. Кітапханашы бүгінде тек қана оқырманға кітап беріп қана қоймай, көптеген маңызды жұмыстарды атқарады. Бүгінгі заманға сай күнделікті ақпарат ағынын оқырманға жетелеуші, сонымен қатар кітапхананың бай қорын сақтаушы, насихаттаушы. Кітапханашы әріптестерімізге кәсіби шеберлік пен парасаттылық, еңбектеріңізге шығармашылық табыс тілейміз!