2021 жылдың 3 ақпанында «Қазақ технология және бизнес университетінің» «Экономика, есеп және аудит» кафедрасы мектеп және колледж түлектері үшін онлайн режимінде ашық есік күнін өткізді.

Ашық есік күніне факультет деканы, кафедра меңгерушісі, оқытушылар, ҚазТБУ колледжі директорының кәсіби бағдар, жұмысқа орналасу және мансап жұмыстары жөніндегі орынбасары К.Усманов қатысып, оқушыларға білім беру бағдарламалары туралы ақпарат берілді.

Оқушыларды әртүрлі пәндер бойынша ҚазТБУ ректорының грантына олимпиадаға қатысуға шақырды. Конкурсқа тіркелу 1-10 ақпан аралығында жүргізіледі. Жүлдегерлер бірінші курста тегін оқуға мүмкіндік алады.

Түлектерді оқу ақысы, гранттар, әскери кафедра, жатақхана және басқа да мәселелер қызықтырды.

Құрметті түлектер, біздің колледждің есігі сіздер үшін әрдайым ашық!