Колледждің алғашқы әскери дайындық пән оқытушыларының ұйымдастыруымен «Ауғанның асуында от кешкендер» атты Ауған соғысы ардагерімен кездесу өтті.

Бұл кездесудің басты мақсаты – патриоттық тәрбие. Сонымен қоса студенттерге Ауған соғысы жайлы мәлімет беру, ардагер ағалармен ашық әңгімелесу, сұхбаттасу және өз Отанына шексіз берілген, патриоттық рухы жоғары, қайсар жауынгер ағалардың ерлігін үлгі ету. Ауған соғысында опат болған жауынгерлердің рухына тағзым етуге, есімдерін қастерлеуге тәрбиелеу.

Аталған іс-шараға ауған соғыс ардагері - Темиркулов Сербек Джармухамедұлы қонақ ретінде шақырылды. Сербек Джармухамедұлы өзінің естеліктерімен бөлісіп, студенттермен сұхбат құрды.