Колледжде бірінші курс студенттеріне арналған Н.В. Гогольдің «Шинель» шығармасы бойынша ашық сабақ
өтті. Сабақты педагог-зерттеуші Ажигулова Гүлжан Тұрсынханқызы жүргізді.

Сабақтың мақсаты — Башмачкин бейнесін терең ашу, оның өмірлік ұстанымын, адамгершілік ізденісін және
Гогольдің көркемдік әлеміндегі орнын түсіндіру болды. Сабақ барысында шығарманың әлеуметтік
мәселелеріне және оның қазіргі оқырман үшін маңыздылығына ерекше назар аударылды.

Сабақта оқытушы заманауи білім беру технологияларын, жасанды интеллект элементтерін, интерактивті
оқыту стратегияларын қолданды. Бұл студенттердің мәтінді талдау үдерісіне белсенді қатысуына мүмкіндік берді.

Сабақтың жарқын сәттерінің бірі — студенттердің өздері дайындаған повестен үзінділерді инсценировкалау болды.
Театралдандыру әдісі білім алушыларға кейіпкердің мінезін, оның ішкі әлемін және өмірлік трагедиясын тереңірек сезінуге жағдай жасады.

Педагог шығарманың мазмұнын студенттердің болашақ кәсіби қызметімен байланыстырып, гуманизм,
адамға құрмет, жауапкершілік және кәсіби этика сияқты маманға қажетті маңызды қасиеттерге назар аударды.

Сабақ шығармашылық ынтымақтастық, аналитикалық ойлау және практикалық бағыттылық
атмосферасында өтіп, студенттердің әдеби білімін кеңейтіп қана қоймай, кәсіби және тұлғалық
құндылықтарға жаңа қырынан қарауға мүмкіндік берді.