Өңірдегі әлеуметтік-экономикалық жағдайдың өзгеруі, қазіргі демографиялық жағдай, техникалық және кәсіптік білім беретін оқу орындары арасындағы бәсекелестіктің күшеюі колледж қызметінің басым бағыттарын айқындайды. «Кәсіптік бағдар – 2023» бағдарламасының келесі кезеңі Шортанды кенті, Степногорск және Ақкөл қалалары, сонымен қатар іргелес жатқан Бозайғыр, Дамсы, Домбыралы, Азат, Кеңес, Қарабұлақ ауылдарының мектептеріне арналды. Кәсіптік бағдар беру жұмысының жоспары шеңберінде 2022 жылғы 10-11 қарашада 22 мектеп қамтылды. Бұл кездесулер барысында таныстырылымдар көрсетілді, буклеттер таратылып, сұрақтарға жауаптар берілді. Түлектерге оқудың қазіргі бағыттары, мамандықтар және колледжде оқудың артықшылықтары туралы ақпарат берілді.